ഇന്ത്യൻ അസോസിയേഷൻ ഷാർജയുടെ പത്താമത് റമദാൻ വോളി ബോൾ ടൂര്‍ണമെന്റ് ഷാർജ ഇന്ത്യൻ സ്കൂൾ ഗുബൈബയിൽ തുടങ്ങി. അക്കാഫ് പ്രസിഡന്റ് പോൾ ടി ജോസഫ് ഉദ്ഘാടനം ചെയ്തു. അസോസിയഷൻ പ്രസിഡന്റ് അഡ്വ. വൈ എ റഹീം അദ്ധ്യക്ഷത വഹിച്ചു.
വൈസ് പ്രസിഡന്റ് മാത്യു ജോൺ, കെ ബാലകൃഷ്ണൻ, രെഞ്ചി കെ ചെറിയാൻ, ഷിബു ജോൺ, ഷാര്‍ജ ഇന്ത്യൻ സ്കൂളുകളുടെ സിഇഒ കെ ആർ രാധാകൃഷ്ണൻ നായർ, പ്രിൻസിപ്പൽ പ്രമോദ് മഹാജൻ എന്നിവർ പ്രസംഗിച്ചു. ജനറല്‍ സെക്രട്ടറി ടി വി നസീർ സ്വാഗതവും ട്രഷറർ ശ്രീനാഥ് കാടഞ്ചേരി നന്ദിയും പറഞ്ഞു. കോ-ഓഡിനേറ്റർ റോയ് മാത്യു, കൺവീനർ റോബിൻ പദ്മാകരൻ എന്നിവർ നേതൃത്വം നൽകുന്നു. ജോയിന്റ് ജനറല്‍ സെക്രട്ടറി മനോജ് വർഗീസ്, ജോയിന്റ് ട്രഷറർ ബാബു വർഗീസ്, മാനേജിംഗ് കമ്മിറ്റി അംഗങ്ങൾ തുടങ്ങിയവരും ചടങ്ങിൽ സംബന്ധിച്ചു.
രണ്ട് ഗ്രൂപ്പുകളായി ഒമ്പത് ടീമുകൾ മാറ്റുരക്കുന്ന ആദ്യ മത്സരത്തിൽ രാജീവ് ഗാന്ധി കൾച്ചറൽ സെന്റർ ഷാർജയും ടീം ഇന്ത്യയും ജേതാക്കളായി. എല്ലാ ദിവസവും രാത്രി ഒമ്പത് മുതൽ 11വരെ നടക്കുന്ന മത്സരത്തിന്റെ ഫൈനൽ ഈമാസം 24 നാണ്.
English Summary: The IAS Volleyball Tournament begins
You may like this video also
