തൃശൂരില് മൂന്ന് വര്ഷത്തിനിടെ രണ്ട് നവജാത ശിശുക്കളെ കൊന്ന് കുഴിച്ചു മൂടിയ കേസിലെ പ്രതികളെ 14 ദിവസത്തേക്ക് റിമാൻഡ് ചെയ്തു. ഇരിഞ്ഞാലക്കുട ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് നടപടി. കുട്ടികളുടെ അമ്മയായ അനീഷയെ വിയ്യൂരിലേക്കും ഭവിനെ ഇരിഞ്ഞാലക്കുട സബ് ജയിലിലേക്കും മാറ്റും. സംഭവത്തിൽ കുഞ്ഞുങ്ങളുടെ ശരീരാവശിഷ്ടങ്ങള് പൊലീസ് ഇന്ന് കണ്ടെത്തിയിരുന്നു. തൃശൂര് മെഡിക്കല് കോളജിലെ ഫൊറന്സിക് മേധാവി ഡോക്ടര് ഉന്മഷിന്റെ നേതൃത്വത്തില് നടത്തിയ പരിശോധനയിലാണ് നിര്ണായ തെളിവുകള് ശേഖരിച്ചത്. അവശിഷ്ടങ്ങള് ഡിഎന്എ പരിശോധനയ്ക്ക് അയക്കുമെന്ന് അന്വേഷണ ഉദ്യോഗസ്ഥനായ ചാലക്കുടി ഡിവൈഎസ്പി അറിയിച്ചു.
നവജാത ശിശുക്കളെ കൊലപ്പെടുത്തി കുഴിച്ചുമൂടിയ സംഭവം; പ്രതികള് റിമാന്ഡില്
