ബൈക്ക് യാത്രക്കാരനെയും ആംബുലൻസിനെയും രക്ഷിക്കുന്നതിനിടയിൽ നിയന്ത്രണം തെറ്റിയ ലോറി വിശ്രമ കേന്ദ്രം ഇടിച്ചു തകർത്തു മറിഞ്ഞു. ഇന്ന് പുലർച്ചെ വണ്ടാനം മെഡിക്കൽ കോളേജ് ആശുപത്രിയുടെ പ്രധാന കവാടത്തിന് മുന്നിലാണ് അപകടം മൈസൂരിൽ നിന്നും തിരുവനന്തപുരത്തേക്ക് പച്ചക്കറി കയറിയുമായി പോയ ലോറിയാണ് അപകടത്തിൽ പെട്ടത്.
വാഹനത്തിൽ ഉണ്ടായിരുന്ന ജീവനക്കാരായ കർണാടക സ്വദേശികളായ ചന്ദ്ര, അപ്പു എന്നിവർക്ക് സാരമായി പരിക്കേറ്റു. എതിരെ വന്ന ബൈക്ക് യാത്രക്കാരനെ രക്ഷിക്കുന്നതിനിടയിലാണ് അപകടത്തിൽ പെട്ടതെന്ന് ജീവനക്കാർ പറഞ്ഞു. വിശ്രമകേന്ദ്രത്തിൽ ആരും ഇല്ലാതിരുന്നത് വൻ ദുരന്തം ഒഴിവായി. രാത്രിയും പകലും ഇവിടെ നിരവധിയാളുകൾ ഉണ്ടാകാറുള്ളതാണ്.