അഞ്ചലിൽ കട്ട അടുക്കിവെച്ചിരുന്ന അട്ടി ഇടിഞ്ഞുവീണ് തൊഴിലാളിക്ക് ദാരുണാന്ത്യം. പശ്ചിമബംഗാൾ ഹൽദിവാറീ സ്വദേശിയായ ജിയാറുൾ(23) ആണ് മരിച്ചത്. ഇന്ന് വൈകിട്ട് 5 മണിക്കാണ് അപകടമുണ്ടായത്.
അഞ്ചൽ പാലമുക്കിൽ പ്രവർത്തിക്കുന്ന കട്ട കമ്പനിയില് കട്ട അടുക്കിവെച്ചിരിക്കുന്നതിന് താഴെ വൃത്തിയാക്കി കൊണ്ടിരിക്കുന്നതിനിടെ അട്ടി ദേഹത്തേക്ക് ഇടിഞ്ഞി വീഴുകയായിരുന്നു. ഉടനെ തന്നെ കട്ട നീക്കം ചെയ്ത് പുറത്തെടുത്തെങ്കിലും ജിയാറുളിന് ഗുരുതരമായി പരിക്കേറ്റിരുന്നു. അഞ്ചലിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു.