കർണാടകയിലെ ഷിരൂരിൽ മണ്ണിടിച്ചിലിൽ കാണാതായ കോഴിക്കോട് സ്വദേശി അർജുനെ കണ്ടെത്താനായി തെരച്ചിൽ തുടരുന്നു. ഗംഗാവലി പുഴയിൽ നിന്നും അർജുന്റെ ലോറി നാളെ ഉയർത്തിയേക്കും. പത്ത് ദിവസം പിന്നിട്ട ദൗത്യം പ്രതികൂല കാലാവസ്ഥ കാരണമാണ് പ്രതിസന്ധിയിലായത്.
നദിയിലെ കുത്തൊഴുക്ക് വലിയ വെല്ലുവിളിയാകുകയായിരുന്നു. പുഴയിലുള്ളത് അർജുന്റെ ട്രക്ക് തന്നെയെന്ന് ഐബോഡ് പരിശോധനയിലും സ്ഥിരീകരിച്ചിട്ടുണ്ട്. ട്രക്കിന്റെ ക്യാബിൻ കണ്ടെത്താനുള്ള ശ്രമമാണ് തുടരുന്നത്. പ്രതികൂല കാലാവസ്ഥയെ തുടർന്ന് ഡ്രോൺ പരിശോധന വൈകീട്ട് താത്ക്കാലികമായി അവസാനിപ്പിക്കുകയായിരുന്നു. മന്ത്രി പി എ മുഹമ്മദ് റിയാസ് അർജുന്റെ കണ്ണാടിക്കലെ വീട്ടിലെത്തി ബന്ധുക്കളെ കണ്ടു.
English Summary: The search for Arjun continues
You may also like this video
