കേരളത്തിന് ലഭിച്ച രണ്ടാം വന്ദേഭാരത് എക്സ്പ്രസിന്റെ രണ്ടാം ട്രയൽ റൺ തുടങ്ങി. രാവിലെ ഏഴ് മണിക്ക് കാസർകോട് സ്റ്റേഷനിൽ നിന്ന് ട്രെയിൻ തിരുവനന്തപുരത്തേക്കാണ് ട്രയല്‍ റണ്‍. കഴിഞ്ഞ ദിവസം വൈകുന്നേരം 4.05ന് തിരുവനന്തപുരത്ത് നിന്ന് ആദ്യ ട്രയല്‍ റണ്‍ പുറപ്പെട്ട ട്രെയിന്‍ രാത്രി 11.35 നാണ് കാസര്‍കോടെത്തിയത്.
ഇന്ന് ട്രെയിന്‍ തിരുവനന്തപുരത്ത് തിരികെയെത്തിയ ശേഷം 4.05ന് വീണ്ടും കാസര്‍കോട്ടേക്കു ട്രയല്‍ റണ്‍ നടത്തും. ശനിയാഴ്ചകാസര്‍കോട് സ്റ്റേഷനില്‍ നിര്‍ത്തിയിട്ട ശേഷം ഞായറാഴ്ച പ്രധാനമന്ത്രി ഓണ്‍ലൈന്‍ ആയി ട്രെയിന്‍ ഫ്‌ളാഗ്ഓഫ് ചെയ്ത് സര്‍വ്വീസ് ആരംഭിക്കും. ചൊവ്വാഴ്ച മുതല്‍ യാത്രക്കാര്‍ക്ക് വേണ്ടിയുള്ള സര്‍വീസുകള്‍ ആരംഭിക്കും.
രണ്ടാം വന്ദേഭാരത് ആലപ്പുഴ വഴിയാണ് സര്‍വീസ്. രാവിലെ 7 മണിക്ക് കാസര്‍കോഡ് നിന്ന് തിരിക്കുന്ന ട്രെയിന്‍ ഉച്ച കഴിഞ്ഞ് 3:05ന് തിരുവനന്തപുരത്ത് എത്തുന്ന വിധത്തിലും വൈകിട്ട് 4:05ന് തിരുവനന്തപുരത്ത് നിന്ന് തുടങ്ങി രാത്രി 11:55ന് കാസര്‍ഗോഡ് എത്തുന്ന രീതിയിലുമായിരിക്കും സര്‍വീസ്.
English Summary: The second trial of the second Vandebharat Express has started
You may also like this video
