പൂരനഗരിയിൽ ഇനി കലയുടെ പൂരം. 64-ാമത് സംസ്ഥാന സ്കൂള് കലോത്സവത്തിന് തിരി തെളിഞ്ഞു. തേക്കിന്കാട് മൈതാനിയിലെ പ്രധാന വേദിയില് മുഖ്യമന്ത്രി പിണറായി വിജയന് ഉദ്ഘാടനം നിര്വഹിച്ചു. പൊതുവിദ്യാഭ്യാസ ഡയറക്ടര് എന് എസ് കെ ഉമേഷ് പതാക ഉയര്ത്തി. മന്ത്രി വി ശിവന്കുട്ടി ചടങ്ങില് അധ്യക്ഷത വഹിച്ചു. റവന്യു മന്ത്രി കെ രാജൻ സ്വാഗതം പറഞ്ഞു. കേന്ദ്രമന്ത്രി സുരേഷ് ഗോപി, ഉന്നത വിദ്യാഭ്യാസ വകുപ്പ് മന്ത്രി ആർ ബിന്ദു, വനം-വന്യജീവി വകുപ്പ് മന്ത്രി എ കെ ശശീന്ദ്രൻ, കടന്നപ്പള്ളി രാമചന്ദ്രൻ എന്നിവർ മുഖ്യാതിഥികളായി. സർവംമായ എന്ന സിനിമയിലൂടെ പ്രേഷകരുടെ പ്രിയതാരമായ റിയ ഷിബു ഉദ്ഘാടന സമ്മേളനത്തിൽ പ്രത്യേക അതിഥിയായി.
പൂരനഗരിയിൽ ഇനി കലയുടെ പൂരം; സംസ്ഥാന സ്കൂൾ കലോത്സവത്തിന് തിരിതെളിഞ്ഞു
