തൊടുപുഴയിൽ സമൂഹമാധ്യമത്തിലൂടെ പതിനൊന്നുകാരിയെ വില്‍പനയ്ക്ക് എന്ന പോസ്റ്റിട്ടത് രണ്ടാനമ്മയെന്ന് പൊലീസ്. സ്. സൈബര്‍ സെല്ലിന്റെ അന്വേഷണത്തിലാണ് കണ്ടെത്തല്‍. സ്വന്തം പിതാവിന്റെ ഫേസ്ബുക്ക് പ്രൊഫൈലിൽ നിന്നാണ് മകളുടെ ചിത്രം സഹിതം വിൽപ്പന പോസ്റ്റ് പുറത്തുവന്നത്. പെണ്‍കുട്ടിയുടെ പിതാവുമായുള്ള വഴക്കിനെ തുടര്‍ന്ന് ഇവര്‍ കുട്ടിയുടെ ഫോട്ടോ വെച്ച് പോസ്റ്റിടുകയായിരുന്നു.
രണ്ടുദിവസം മുൻപായിരുന്നു പോസ്റ്റ് പ്രത്യക്ഷപ്പെട്ടത്. പോസ്റ്റ് കണ്ട ചിലർ തൊടുപുഴ പൊലീസിൽ വിവരം അറിയിച്ചു. പെൺകുട്ടിയും വല്യമ്മയും ഇതിനു പിന്നാലെ പൊലീസിനെ സമീപിക്കുകയും ചെയ്തു. ഇതോടെ പിതാവിനെ വിളിച്ച് പൊലീസ് ചോദ്യം ചെയ്തു. താൻ അറിയാതെ മറ്റാരോ തന്റെ പ്രൊഫൈലിലൂടെ പോസ്റ്റിട്ടതാണെന്നാണ് പിതാവ് പൊലീസിനോട് പറഞ്ഞത്.
English Summary: The stepmother shared the Facebook post of eleven-year-old girl for sale in Thodupuzha
You may also like this video
