കൊല്ലം കേരളപുരത്ത് ഇടവഴിയിൽവീണ പന്തെടുക്കാൻ മതിൽചാടിയ വിദ്യാർത്ഥി വൈദ്യുത പോസ്റ്റിൽനിന്നും ഷോക്കേറ്റ് മരിച്ചു.ചന്ദനത്തോപ്പ് നവകൈരളി നഗർ സൗത്ത് ഡെയ്ലില്‍ സാജൻ ലത്തീഫ് മുഹമ്മദിന്റെയും, ഹാംലത്തിന്റെയും മകൻ അർഫാൻ (15)ആണ് മരിച്ചത്. ഇന്നലെ വൈകിട്ട് അഞ്ചരയോടെ ആയിരുന്നു അപകടം. സ്കൂൾ മൈതാനത്ത് ഫുട്ബോൾ കളിക്കുന്നതിനിടെ ഇടവഴിയിലേക്ക് വീണ പന്തെടുക്കാനായി മതിലിനോട് ചേർന്നുനിന്ന വൈദ്യുത പോസ്റ്റിലൂടെ ഊർന്നിറങ്ങവേയാണ് അർഫാന് വൈദ്യുതാഘാതമേറ്റത്. തെരുവ് വിളക്ക് കത്തിക്കാൻ ക്രമീകരിച്ചിരുന്ന വയറിൽ നിന്നാണ് ഷോക്കേറ്റതെന്നാണ് പ്രാഥമികനിഗമനം. എസ്.എസ്.എൽ.സി. പരീക്ഷ എഴുതി ഫലംകാത്തിരിക്കുകയായിരുന്നു അർഫാൻ.
English Summary: The student who jumped over the wall to fetch the ball was shocked by the electric pole
You may also like this video
