എല്‍കെജി വിദ്യാര്‍ത്ഥിയെ രണ്ട് ദിവസത്തോളം മര്‍ദ്ദനത്തിനിരയാക്കിയ അധ്യാപകനെ അറസ്റ്റ് ചെയ്തു. കുട്ടിയെ അധ്യാപകന്‍ രണ്ട് ദിവസം തുടര്‍ച്ചയായി മര്‍ദ്ദനത്തിനിരയാക്കുന്നതിന്റെ ദൃശ്യങ്ങള്‍ സമൂഹമാധ്യമമായ എക്സിലൂടെ പുറത്തുവന്നിരുന്നു. സംഭവത്തില്‍ ശ്രീഭഗവാന്‍ എന്ന അധ്യാപകന്‍ അറസ്റ്റിലായി.
സഹപാഠിയെ പെൻസിൽ കൊണ്ട് അടിച്ചതിനാണ് കുട്ടിയെ ശ്രീഭഗവാന്‍ ശിക്ഷിച്ചത്. പഞ്ചാബിലെ ലുധിയാന ജില്ലയിൽ സെപ്റ്റംബർ 19 നും 20 നും ഇടയിലാണ് സംഭവം. തൂക്കിയിട്ടാണ് കുട്ടിയെ ഇയാള്‍ മര്‍ദ്ദിച്ചത്. കുട്ടി ക്ഷമചോദിക്കുന്നതും വീഡിയോയില്‍ കേള്‍ക്കാം.
മര്‍ദ്ദിച്ചെന്ന് പ്രധാനാധ്യാപകനെ അറിയിച്ചെങ്കിലും കുട്ടിയെ പുറത്താക്കുമെന്നായിരുന്നു ഇയാളുടെ പ്രതികരണം. രണ്ടാം ദിവസം വീണ്ടും കുട്ടി സ്കൂളില്‍ എത്തിയെങ്കിലും അധ്യാപകന്‍ മര്‍ദ്ദിച്ചു. സഹപാഠിയാണ് വൈറലായ വീഡിയോ പകര്‍ത്തിയത്. സംഭവത്തില്‍ പൊലീസ് കേസ് രജിസ്റ്റര്‍ ചെയ്തു.
English Summary: The teacher who beat the LKG student for two days was arrested
You may also like this video
