ബ്ലേഡ് മാഫിയയുടെ ഭീഷണിയെ തുടർന്ന് വരൻ കല്യാണത്തിൽ നിന്ന് പിന്മാറി. വർക്കല കല്ലമ്പലത്താണ് സംഭവം. വിവാഹം മുടങ്ങിയതിന് പിന്നാലെ വധു ആത്മഹത്യയ്ക്ക് ശ്രമിച്ചു. തുടർന്ന് ഗുരുതരാവസ്ഥയിലായ പെൺകുട്ടിയെ വർക്കലയിലെ സ്വകാര്യ ആശുപത്രിയിൽ പ്രവേശിപ്പിച്ചു. വധുവിന്റെ മാതാവ് വാങ്ങിയ പണവും പലിശയും തിരികെ കിട്ടണമെന്ന് ആവശ്യപ്പെട്ടാണ് വരന്റെ വീട്ടിലെത്തി ഗുണ്ടാസംഘം ഭീഷണിപ്പെടുത്തിയത്. വരന്റെ വീട്ടിലെത്തി ഗുണ്ടാസംഘം കൊല്ലുമെന്ന് ഭീഷണിപ്പെടുത്തിയെന്നാണ് പെൺകുട്ടിയുടെ പരാതി. ജനുവരി ഒന്നിനാണ് വിവാഹം നിശ്ചയിച്ചത്. സംഭവത്തിൽ കല്ലമ്പലം സ്വദേശി സുനിൽ അടക്കം എട്ട് പേർക്ക് എതിരെ കേസ് എടുത്തു.
ബ്ലേഡ് മാഫിയയുടെ ഭീഷണി; വരൻ വിവാഹത്തില് നിന്നും പിൻമാറി, വധു ആത്മഹത്യയ്ക്ക് ശ്രമിച്ചു
