ആലപ്പുഴ വണ്ടാനം മെഡിക്കല്‍ കോളജില്‍ യുവതി ചികിത്സയിലിരിക്കെ മരിച്ചു. പ്രസവത്തെത്തുടര്‍ന്നുണ്ടായ രോഗബാധയാണ് കാരണമെന്ന് ആശുപത്രി അധികൃതര്‍ പറയുന്നു.പുറക്കാട് കരൂർ തൈവേലിക്കകം അൻസറിന്റെ ഭാര്യ ഷിബിന (31) ആണ് മരിച്ചത്. ഒരു മാസം മുൻപാണ് പ്രസവം നടന്നത്. ആശുപത്രി അധികൃതരുടെയും ഡോക്ടർമാരുടെയും അനാസ്ഥയെന്നാരോപിച്ച് ബന്ധുക്കൾ പ്രതിഷേധിച്ചത് ആശുപത്രിയിൽ സംഘർഷാവസ്ഥയുണ്ടാക്കി. അമ്പലപ്പുഴ പോലീസ് അസ്വാഭികമരണത്തിന് കേസെടുത്തു.
അണുബാധ കരളിനെയും വൃക്കയേയും ബാധിച്ചതായും തുടർന്ന് തീവ്രപരിചരണ വിഭാഗത്തിലേക്ക് മാറ്റിയിരുന്നതായും ആശുപത്രി അധികൃതര്‍ പറഞ്ഞു. ചികിത്സയിലായിരുന്ന ഷിബിന ഇന്ന് ഉച്ചയോടെയാണ് മരിച്ചത്. മൃതദേഹം മോർച്ചറിയിലേക്ക് മാറ്റി.സിപിഎം കരൂർ ബ്രാഞ്ച് സെക്രട്ടറിയാണ് അൻസർ.
English Summary: The woman di ed while undergoing treatment at Alappuzha Medical College
You may also like this video
