പുതുവർഷത്തെ വരവേൽക്കാനായി ലോകമൊരുങ്ങി. പസഫിക് സമുദ്രത്തിലെ കിരിബത്തി ദ്വീപിലാണ് 2026 ആദ്യമെത്തുക. അതേസമയം,
സംസ്ഥാനത്തും വിപുലമായ പരിപാടികള് ആണ് നടക്കുക്ക. ഫോർട്ട് കൊച്ചിയിലെ പുതുവർഷാഘോഷങ്ങളുടെ ഏറ്റവും വലിയ ആകർഷണം പപ്പാഞ്ഞിയെ കത്തിക്കലാണ്. വിദേശികളടക്കം പതിനായിരങ്ങൾ ഇന്ന് ഫോർട്ട് കൊച്ചിയിലേക്ക് എത്തും. തിരുവനന്തപുരത്ത് വര്ക്കല, കോവളം ബീച്ചുകളിലും ആഡംബര ഹോട്ടലുകളിലും നവവത്സരാഘോഷ പരിപാടികള് ഒരുക്കിയിട്ടുണ്ട്.
പുതുവത്സരാഘോഷത്തിന്റെ ഭാഗമായി തലസ്ഥാനത്ത് കര്ശനമായ ഗതാഗതക്രമീകരണങ്ങള് ഏര്പ്പെടുത്തി. കണ്ണൂര് പയ്യാമ്പലം ബീച്ചില് ആറു മണി മുതല് നിയന്ത്രണം ഏര്പ്പെടുത്തിയിട്ടുണ്ട്. കൊച്ചിയിലെ കാര്ണിവല് ആഘോഷങ്ങള്ക്ക് സുരക്ഷയൊരുക്കാന് പ്രത്യേക പൊലീസ് സംഘത്തെ നിയോഗിച്ചു. ഉച്ചയ്ക്ക് രണ്ടിനുശേഷം ഫോര്ട്ടുകൊച്ചിയിലേക്ക് വാഹനം അനുവദിക്കില്ല. ഡ്രോണ് ഉപയോഗിക്കുന്നതിനും വിലക്കുണ്ട്. അതേസമയം, പുതുവത്സരാഘോഷങ്ങളുടെ ഭാഗമായി ഇന്ന് ബാറുകളുടെ പ്രവർത്തന സമയം ഒരു മണിക്കൂർ കൂട്ടി. രാത്രി 12 വരെ ബാറുകള് പ്രവർത്തിക്കും. രാവിലെ 11 മുതൽ രാത്രി 11വരെയാണ് ബാറുകളുടെ സാധാരണ പ്രവർത്തന സമയം. ബാർ ഹോട്ടൽ ഉടമകളുടെ ആവശ്യത്തെ തുടർന്നാണ് സർക്കാർ ഒരു മണിക്കൂർ സമയം നീട്ടി ഉത്തരവ് ഇറക്കിയത്.