മുംബെെയില്‍ സഹോദരന്റെ കുത്തേറ്റ യുവാവ് കഴുത്തില്‍ കത്തിയുമായി സ്വയം ബൈക്ക് ഓടിച്ച് ആശുപത്രിയിലെത്തി ചികിത്സ തേടി. ശനിയാഴ്ചയാണ് സംഭവം നടന്നത്. നവി മുംബൈ സ്വദേശിയായ തേജസ് പാട്ടീലാണ്(32) ആണ് അസാധാരണ മനക്കരുത്ത് കൊണ്ട് ജീവിതം തിരിച്ചുപിടിച്ചത്.കുടുംബ വഴക്കിനിടെ തേജസിന്റെ ഇളയ സഹോദരന്‍ മോനിഷ് തേജസിനെ കുത്തുകയായിരുന്നു.രക്തം വാര്‍ന്നൊഴുകുമ്പോഴും ധൈര്യം കൈവിടാതെ ബൈക്കുമായി ഒരു കിലോമീറ്റര്‍ സഞ്ചരിച്ചാണ് തേജസ് ആശുപത്രിയിലേക്ക് എത്തിയത്.ശസ്ത്രക്രിയയിലൂടെ കത്തി നീക്കം ചെയ്ത ഡോക്ടര്‍മാര്‍ ഇയാള്‍ക്ക് അടിയന്തര ചികിത്സ നല്‍കി.കഴുത്തിലെ പ്രധാന രക്തക്കുഴലുകള്‍ക്ക് കുത്തേല്‍ക്കാത്തതും കൃത്യസമയത്ത് ചികിത്സ ഉറപ്പാക്കിയതുമാണ് യുവാവിന്റെ ജീവന്‍ രക്ഷിച്ചതെന്ന് ഡോക്ടര്‍മാര്‍ പറഞ്ഞു.അതേസമയം ആക്രമണം നടത്തിയ മോനിഷിനും ഒപ്പമുണ്ടായിരുന്ന സുഹൃത്തിനുമെതിരെ കൊലപാതക ശ്രമത്തിന് പൊലീസ് കേസെടുത്തു.
english summary;The young man who was stabbed by his brother drove himself to the hospital with a knife on his neck
you may also like this video;
