ജോലിക്കിടയില്‍ കോണ്‍ക്രീറ്റ് മിക്‌സറിന്റെ ഉള്ളില്‍പെട്ട് യുവാവിന്റെ കൈയ്യറ്റു. നെടുങ്കണ്ടം മൈനര്‍സിറ്റി താന്നിക്കല്‍ ബിജു മാത്യു (41)ന്റെ വലതു കൈയ്യുടെ മുട്ടിന് താഴ്ഭാഗമാണ് മെഷീന്‍ പല്‍ചക്രത്തിനിടയില്‍പെട്ട് അരഞ്ഞുപോയത്. ഇന്ന് വൈകിട്ട് നാലരയോടെയാണ് പച്ചടി കുരിശുപാറയില്‍ വെച്ച് അപകടം ഉണ്ടായത്. തൊഴിലുറപ്പ് പദ്ധതിയില്‍ ഉള്‍പ്പെടുത്തിയുള്ള ചിന്നപ്പച്ചടി റോഡിന്റെ കോണ്‍ക്രീറ്റ് നിര്‍മ്മാണം നടക്കുകയായിരുന്നു ഇവിടെ. ജോലിക്കുശേഷം സിമന്റ് മിക്സിന്ങ് മെഷീന്‍ കഴുകുന്നതിനിടയിലാണ് അബദ്ധത്തില്‍ കൈ മിഷ്യന്റെ ഉള്ളില്‍പെടുന്നത്. ഉടന്‍ തന്നെ ബിജുവിനെ നെടുങ്കണ്ടത്തെ സ്വകാര്യ ആശുപത്രിയില്‍ എത്തിക്കുകയും തുടര്‍ന്ന് വിദഗ്ധ ചികിത്സക്കായി കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുകയും ചെയ്തു.
English Summary; The young man’s hand crushed in the concrete mixer
You may also like this video
