ഇൻസ്റ്റാഗ്രാമിലൂടെ പരിചയപ്പെട്ട പ്ലസ് വൺ വിദ്യാർത്ഥിനിയെ പീഡിപ്പിച്ച മൂന്ന് യുവാക്കളെ കുണ്ടറ പൊലീസ് അറസ്റ്റ് ചെയ്തു. തിരുവനന്തപുരം കഠിനംകുളം പെരുമാതുറ വലിയവിളാകം വീട്ടിൽ ജസീർ (26), വിതുര തൊളിക്കോട് കുന്നുംപുറത്ത് വീട് മാങ്കോട്ട്കോണം എസ് നൗഫൽ (27), കഴക്കൂട്ടം പെരുമാതുറ വലിയവിളാകം നിഹാസ് (20) എന്നിവരാണ് അറസ്റ്റിലായത്.
സമൂഹമാധ്യമം വഴി കുണ്ടറ സ്വദേശിനിയായ പെൺകുട്ടിയുമായി പ്രണയത്തിലായ ജസീർ നേരിട്ട് കാണണമെന്ന് ആവശ്യപ്പെടുകയും കുണ്ടറയിൽ വച്ച് നേരിൽ കാണുകയും ചെയ്തു. തുടർന്ന് സുഹൃത്തുക്കളായ നൗഫൽ, നിയാസ് എന്നിവരുടെ സഹായത്തോടെ കാറിൽ തിരുവനന്തപുരം പാലോട് എത്തിച്ച് പീഡിപ്പിക്കുകയായിരുന്നു.
പെൺകുട്ടിയുടെ മാതാപിതാക്കൾ നൽകിയ പരാതിയിലാണ് അറസ്റ്റ്. ജസീറും നൗഫലും നിരവധി ക്രിമിനൽ കേസുകളിൽ പ്രതികളാണെന്ന് പൊലീസ് പറഞ്ഞു. മൂവരെയും റിമാൻഡ് ചെയ്തു.
English Summary: The youths who molested the girl they met on Instagram were arrested
You may also like this video
