പ്രണയം നടിച്ച് പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച യുവാക്കള്‍ അറസ്റ്റില്‍. തൂക്കുപാലം സ്വദേശിനിയായ 17 വയസ്സുകാരിയെ പ്രണയം നടിച്ച് പീഡിപ്പിച്ച കേസില്‍ കൂട്ടാര്‍ അല്ലിയാര്‍ ഭാഗത്ത് മഞ്ജുഭവന്‍ വീട്ടില്‍ നിഖില്‍, കൂട്ടാര്‍ ചക്കുകളംപടി ആടിമാക്കല്‍ വീട്ടില്‍ ആരോമല്‍ എന്നിവരാണ് അറസ്റ്റിലായത്. പ്രണയം നടിച്ച് കൂട്ടിക്കൊണ്ടുപോയി പീഡിപ്പിക്കുകയും ദൃശ്യം പകര്‍ത്തുകയും ചെയ്തു.
ഈ വീഡിയോ ദൃശ്യം കാണിച്ചു പിന്നീടും ഭീഷണിപ്പെടുത്തി പലതവണ പീഡിപ്പിക്കുകയും ചെയ്തു. മാനസിക പ്രശ്‌നം നേരിട്ട പെണ്‍കുട്ടി കൗണ്‍സിലിങ്ങിന് വിധേയമായി. ഇതിനിടിയിലാണ് പെണ്‍കുട്ടി പീഡനത്തിനിരയായ വിവരം പറഞ്ഞത്. ഇതിനെ തുടര്‍ന്ന് നെടുംകണ്ടം പൊലീസ് സ്റ്റേഷന്‍ കേസ് രജിസ്റ്റര്‍ ചെയ്യുകയും തുടര്‍ന്ന് നടത്തിയ അന്വേഷണത്തിലാണ് പ്രതികള്‍ അറസ്റ്റിലായത്. നെടുംകണ്ടം പൊലീസ് ഇന്‍സ്‌പെക്ടര്‍ ജര്‍ലിന്‍ വി സ്‌കറിയ, സബ് ഇന്‍സ്‌പെക്ടര്‍ ജയകൃഷ്ണന്‍ ടി എസ്, സീനിയര്‍ സിപിഒ ജോബിന്‍, സിപിഒ മാരായ അരുണ്‍ ‚അജോ, ബിനു ഷാനവാസ്, രഞ്ജിത്ത് എന്നിവരെ അടങ്ങിയ സംഘമാണ് പ്രതികളെ പിടികൂടിയത്.
English Summary:The youths who tortured a minor girl by pretending to be in love were arrested
You may also like this video
