കോഴിക്കോട് വിവാഹ വീട്ടിൽ മോഷണം. 10 പവൻ സ്വർണവും പണവുമാണ് അപഹരിച്ചത്. ഇരിങ്ങണ്ണൂരിൽ മുടവന്തേരി സ്വദേശി ടി പി അബൂബക്കറിന്റെ വീട്ടിലാണ് മോഷണം നടന്നത്. കഴിഞ്ഞ ഞായറാഴ്ച രാത്രിയിലായിരുന്നു മോഷണം. ഞായാറാഴ്ച അബൂബക്കറിന്റെ മകൻ മുഹമ്മദ് സഹന്റെ വിവാഹമായിരുന്നു. വീടിന്റെ മുകളിലത്തെ നിലയിലെ അലമാരയിൽ 50,000 രൂപയും 10 പവൻ സ്വർണവും സൂക്ഷിച്ചിരുന്നു. അലമാരയുടെ താക്കോലും തൊട്ടടുത്ത് ഉണ്ടായിരുന്നു. 10 പവൻ സ്വർണവും 6000 രൂപയും എടുത്ത ശേഷം ബാക്കി തുക അലമാരയിൽ വെച്ചിട്ടാണ് കള്ളൻ മടങ്ങിയത്. നാദാപുരം പൊലീസ് കേസെടുത്ത് അന്വേഷണം ആരംഭിച്ചു.
കോഴിക്കോട് വിവാഹ വീട്ടിൽ മോഷണം; 10 പവൻ സ്വർണവും പണവും അപഹരിച്ചു
