തിരുവനന്തപുരം വിമാനത്താവളത്തിൽ നിന്ന് മുംബൈയിലേക്ക് ഒരു പ്രതിദിന സർവീസ് കൂടി 

തിരുവനന്തപുരം അന്താരാഷ്ട്ര വിമാനത്താവളത്തിൽ നിന്ന് മുംബൈയിലേക്ക് ഒരു പ്രതിദിന സർവീസ് കൂടി തുടങ്ങുന്നു. ഇൻഡിഗോ എയർലൈൻസിന്റെ പുതിയ സർവീസ് ഇന്ന്  തുടങ്ങും. ഈ റൂട്ടിലെ ഇൻഡിഗോയുടെ മൂന്നാമത്തെ പ്രതിദിന സർവീസ് ആണിത്.

മുംബൈ-തിരുവനന്തപുരം സർവീസ് (6ഇ 5114) രാവിലെ 6.20ന്  പുറപ്പെട്ട് 8.25ന് മണിക്ക് എത്തും. മടക്ക വിമാനം (6ഇ 5116) തിരുവനന്തപുരത്ത് നിന്ന് രാവിലെ 8.55ന് ന് പുറപ്പെട്ട് 11 മണിക്ക് മുംബൈയിലെത്തും. ശംഖുമുഖത്തെ ഡോമെസ്റ്റിക് ടെർമിനലിൽ നിന്നായിരിക്കും സർവീസ്.

മുംബൈ വഴി ഇന്ത്യയിലെ മറ്റു നഗരങ്ങളിലേക്കും യൂറോപ്പ്, യുകെ, യുഎസ്, സൗത്ത് ഈസ്റ്റ് ഏഷ്യ എന്നിവയുൾപ്പെടെയുള്ള അന്താരാഷ്‌ട്ര നഗരങ്ങളിലേക്കും കണക്ടിവിറ്റി ഉറപ്പാക്കുന്ന രീതിയിലാണ് സമയം ക്രമീകരിച്ചിരിക്കുന്നത്. തിരുവനന്തപുരം- മുംബൈ സെക്ടറിലെ ആറാമത്തെ പ്രതിദിന സർവീസാണിത്. എയർ ഇന്ത്യയും ഇൻഡിഗോയും നിലവിൽ രണ്ട് പ്രതിദിന സർവീസുകൾ വീതം നടത്തുന്നുണ്ട്. വിസ്താരയുടെ പുതിയ സർവീസ് ജൂൺ ഒന്ന് മുതൽ തുടങ്ങും.

eng­lish summary;There is also a dai­ly ser­vice from Thiru­vanan­tha­pu­ram Air­port to Mumbai
you may also like this video;