ദീപാവലിക്ക് നാട്ടിലേക്ക് പോകാന്‍ അവധി ലഭിക്കാത്തതില്‍ പ്രകോപിതനായി മില്ലിന് തീയിട്ട ഉത്തര്‍പ്രദേശ് സ്വദേശി അറസ്റ്റില്‍. ആര്‍ അജയ്(24) ആണ് നാട്ടില്‍ പോകുന്നതിന് വേണ്ടി ജോലി ചെയ്തിരുന്ന ഉദുമുല്‍പേട്ടിനടുത്ത് അന്തിയൂരിലുള്ള മില്ലിന് തീയിട്ടത്. യുവാവിന്റെ ആക്രമണത്തില്‍ 10 ലക്ഷം രൂപയുടെ നാശനഷ്ടമുണ്ടായെന്നാണ് കണക്കാക്കുന്നത്.
മൂന്നാഴ്ച്ച മുന്‍പാണ് അന്തിയൂരിലുള്ള സ്വകാര്യമില്ലില്‍ അജയ് ജോലിക്ക് ചേര്‍ന്നത്. അവധി നല്‍കാത്തതിനാല്‍ മില്‍വളപ്പിലുണ്ടായിരുന്ന പരുത്തിക്ക് അജയ് തീയിടുകയും, തീ പടര്‍ന്നതോടെ യന്ത്രങ്ങള്‍ ഉള്‍പ്പടെ കത്തി നശിക്കുകയുമായിരുന്നു. തുടര്‍ന്ന് അഗ്‌നിരക്ഷാ സേനയെത്തിയാണ് തീയണച്ചത്. അപകടത്തെ തുടര്‍ന്ന് കമ്പനി അടച്ചാല്‍ കുറച്ചുനാളത്തേക്ക് നാട്ടിലേക്ക് പോകാന്‍ അവധി ലഭിക്കുമെന്ന് കരുതിയാണ് തീവെച്ചതെന്ന് അജയ് പൊലീസിന് മൊഴി നല്‍കി.
English summary; There is no holiday for Diwali; Uttar Pradesh native arrested for setting fi_re to mill
You may also like this video;
