തിരുവനന്തപുരത്ത് ഗുണ്ടാകുടിപ്പകയെ തുടര്‍ന്നുള്ള ആക്രമണത്തില്‍ കൊലക്കേസ് പ്രതി മരിച്ചു. വഴയില സ്വദേശി മണിച്ചനെയാണ് പേരൂർക്കടയ്ക്ക് സമീപത്തെ വഴയിലയിലെആറാം കല്ലിലെ ലോഡ്ജിലുണ്ടായ ആക്രമണത്തില്‍ ഗുരുതര പരിക്കേറ്റ് ചികിത്സയിലിരിക്കെ മരണപ്പെട്ടത്. ഇയാള്‍ക്കൊപ്പം ഉണ്ടായിരുന്ന തിരുമല സ്വദേശി ഹരികുമാര്‍ പരിക്കുകളോടെ ചികിത്സയിലാണ്. അക്രമണത്തിന് പിന്നലുണ്ടായിരുന്ന രണ്ട് പേര്‍ പിടിയിലായി.
ദീപക് ലാല്‍ അരുണ്‍ ജി രാജീവ് എന്നിവരാണ് പിടിയിലായത്. അതേസമയം ലോഡ്‌ജില്‍ നാല് പേര്‍ ചേര്‍ന്ന് മദ്യപിച്ച് വാക്കുതര്‍ക്കമുണ്ടായതായി പൊലീസ് പറയുന്നു. രണ്ട് പേര്‍ക്കും വാള്‍ കൊണ്ടാണ് പരിക്കേറ്റത്. മണിച്ചന്റെ തലയ്ക്ക് ഗുരുതരമായി പരിക്കേറ്റിരുന്നു. ഇയാളെ തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചിരുന്നെങ്കിലും മരണം സംഭവിക്കുകയായിരുന്നു.
English Summary:Thiruvananthapuram murder accused hacked to death; Two arrested
You may also like this video
