തിരുവനന്തപുരത്ത് നെയ്യാറ്റിൻകരയിലെ നെയ്യാറിൽ വീണ് പ്ലസ് ടു വിദ്യാർത്ഥി മുങ്ങിമരിച്ചു. കാട്ടാക്കട തൂങ്ങാൻപാറ സ്വദേശി അഭിനവാണ് അപകടത്തിൽ മരിച്ചത്. ശനിയാഴ്ച വൈകിട്ട് നാലുമണിയോടെ നെയ്യാറിലെ ഈരാറ്റുപുറത്താണ് സംഭവം നടന്നത്. കാട്ടാക്കട പി ആർ വില്യംസ് സ്കൂളിലെ ആറംഗ വിദ്യാർത്ഥി സംഘമാണ് ആറ്റിൽ കുളിക്കാനിറങ്ങിയത്. ഒഴുക്കിൽപ്പെട്ട അഭിനവിനെ രക്ഷിക്കാൻ കഴിഞ്ഞില്ല. കൂടെയുണ്ടായിരുന്ന അഭിനന്ദിനെ നാട്ടുകാർ രക്ഷപ്പെടുത്തി ആശുപത്രിയിലേക്ക് മാറ്റി. സംഘത്തിലുണ്ടായിരുന്ന മറ്റ് രണ്ട് പേർ കൂടി വെള്ളത്തിൽ അകപ്പെട്ടെങ്കിലും അവർ അത്ഭുതകരമായി രക്ഷപ്പെടുകയായിരുന്നു.
തിരുവനന്തപുരത്ത് പ്ലസ് ടു വിദ്യാർത്ഥി നെയ്യാറിൽ മുങ്ങിമരിച്ചു
