അത്ഭുതപ്പെട്ടി വീട്ടില്‍ സൂക്ഷിച്ചാല്‍ ഭാഗ്യം വന്നുചേരുമെന്ന് വാഗ്ദാനം നല്‍കി നാഗാലാന്‍ഡിലെ സ്ത്രീയില്‍ നിന്ന് മൂന്നരക്കോടി തട്ടിയെടുത്ത വൈദികന്‍ അറസ്റ്റില്‍. നാഗാലാന്‍ഡില്‍ തട്ടിപ്പ് നടത്തി ബംഗാളിലേക്ക് രക്ഷപ്പെട്ട തിമോത്തി ജോഷിയെന്ന വൈദികനെ ഡാര്‍ജിലിങ്ങില്‍ നിന്ന് പൊലീസ് അറസ്റ്റ് ചെയ്തു.
ന്യൂ ലൈഫ് ചര്‍ച്ച് മിനിസ്ട്രിയിലെ വൈദികനാണ് സ്ത്രീയെ കബളിപ്പിച്ച് മൂന്നരക്കോടി രൂപ തട്ടിയെടുത്തതെന്ന് പൊലീസ് അറിയിച്ചു. നാഗാലാന്‍ഡില്‍ തട്ടിപ്പ് നടത്തിയശേഷം ഡാര്‍ജിലിങ്ങിലെ കാന്തിബിദ പള്ളിയില്‍ വൈദികനായി സേവനമനുഷ്ഠിക്കുകയായിരുന്നു തിമോത്തി ജോഷി. അത്ഭുതപ്പെട്ടി വീട്ടില്‍ സൂക്ഷിച്ചാല്‍ ഭാഗ്യം വന്നുചേരുമെന്ന് വൈദികനും സംഘവും സ്ത്രീയെ വിശ്വസിപ്പിച്ചാണ് തട്ടിപ്പ് നടത്തിയത്. ഇത്തരത്തില്‍ വൈദികന്‍ നിരവധി പേരില്‍ നിന്നും പണം തട്ടിയെടുത്തതായും പൊലീസ് പറഞ്ഞു.
English Summary: Three and a half crores were stolen on behalf of the miracle box; The priest was arrested
You may also like this video
