വർക്കല റേഞ്ച് എക്സൈസ് ഇൻസ്പെക്ടർ കെ വിനോദിന്റെ നേതൃത്വത്തിൽ വർക്കലയുടെ വിവിധ ഭാഗങ്ങളിൽ നടത്തിയ വ്യാപക പരിശോധനയിൽ വർക്കല ഹെലിപ്പാട് ഭാഗത്തു നിന്നും നിരോധിത മയക്കുമരുന്നായ മൂന്ന് ഗ്രാം എംഡിഎംഎയുമായി ചടയമംഗലം, വർക്കല സ്വദേശികളായ ജിജോ, സഫീർ, സിനീഷ് എന്നീ മൂന്ന് യുവാക്കളെ പിടികൂടി.
ഇവർ സഞ്ചരിച്ചിരുന്ന ബൈക്കുകളും പിടിച്ചെടുത്തു. യുവാക്കളുടെ ഇടയിൽ വർധിച്ചു വരുന്ന മയക്കു മരുന്നുപയോഗത്തെ തടയുക എന്ന ലക്ഷ്യവുമായി നടത്തിയ പരിശോധനയിൽ പ്രിവന്റീവ് ഓഫിസർമാരായ എസ് കൃഷ്ണകുമാർ, കെ ഷാജി, വിജയകുമാർ സിവിൽ എക്സൈസ് ഓഫിസർമാരായ അരുൺമോഹൻ എം ആർ, രാഹുൽ ആർ പ്രവീൺ പി എന്നിവർ പങ്കെടുത്തു.
english summary; Three arrested in Varkala for possession of banned drug MDMA