കേന്ദ്രസര്‍ക്കാരിനെതിരെ തൊഴിലാളി-കര്‍ഷക സംഘടനകളുടെ ത്രിദിന രാജ്യവ്യാപക സമരത്തിന് ഇന്ന് തുടക്കം. സംയുക്ത കിസാന്‍ മോര്‍ച്ചയും തൊഴിലാളി സംഘടനകളും വിവിധ സംസ്ഥാനങ്ങളില്‍ രാജ്ഭവനുകള്‍ക്ക് മുന്നില്‍ രാപ്പകല്‍ ധര്‍ണ സംഘടിപ്പിക്കും.വിലക്കയറ്റം നിയന്ത്രിക്കുക, ഭക്ഷണസാധനങ്ങള്‍ക്കും മരുന്നുകള്‍ക്കും കാര്‍ഷികോപകരണങ്ങള്‍ക്കും ഏര്‍പ്പെടുത്തിയ ജിഎസ്‌ടി പിന്‍വലിക്കുക, പെട്രോളിയം ഉല്പന്നങ്ങളുടെയും പാചകവാതകത്തിന്റെയും കേന്ദ്ര നികുതി ഒഴിവാക്കുക, കര്‍ഷക ആത്മഹത്യകള്‍ ഇല്ലാതാക്കാന്‍ ആനുകൂല്യങ്ങള്‍ വര്‍ധിപ്പിക്കുക, വിത്തുകള്‍ക്കും വൈദ്യുതിക്കും വെള്ളത്തിനും സബ്‌സിഡി നല്‍കുക തുടങ്ങി 21 ആവശ്യങ്ങള്‍ ഉന്നയിച്ചാണ് രാപ്പകല്‍ സമരം.
പഞ്ചാബ്, ഡല്‍ഹി, ഹരിയാന, ഹിമാചല്‍, കര്‍ണാടക, മഹാരാഷ്ട്ര, ഒഡിഷ, യുപി, കേരളം, അസം തുടങ്ങി വിവിധ സംസ്ഥാനങ്ങളില്‍ രാജ്ഭവനുകള്‍ക്ക് മുന്നില്‍ ധര്‍ണ നടക്കുമെന്ന് തൊഴിലാളി-കര്‍ഷക സംഘടനാ നേതാക്കള്‍ അറിയിച്ചു.
English Summary: Three-day farmer-labour strike from today
You may also like this video
