സുപ്രീം കോടതിയില്‍ മൂന്ന് പുതിയ ജഡ്ജിമാര്‍ കൂടി സ്ഥാനമേറ്റു. സതീഷ് ചന്ദ്ര ശര്‍മ്മ, അഗസ്റ്റിൻ ജോര്‍ജ് മസീഹ്, സന്ദീപ് മേത്ത എന്നിവരാണ് ഇന്ന് സ്ഥാനമേറ്റത്. ഇതോടെ ആകെ ജഡ്ജിമാരുടെ എണ്ണം സുപ്രീം കോടതിയിലെ പരമാവധി ജഡ്ജിമാരുടെ എണ്ണമായ 34ലേക്ക് എത്തി.
സുപ്രീം കോടതി കൊളീജിയത്തിന്റെ നിര്‍ദേശ പ്രകാരം നിയമനീതി മന്ത്രാലയം ജഡ്ജിമാരെ നിയോഗിക്കുകയായിരുന്നു. ജസ്റ്റിസ് ശര്‍മ്മ ഡല്‍ഹി ഹൈക്കോടതി ചീഫ് ജസ്റ്റിസായിരുന്നു. ജസ്റ്റിസ് മസീഹ് രാജസ്ഥാൻ ഹൈക്കോടതിയിലും ജസ്റ്റിസ് മേത്ത ഗുവാഹത്തി ഹൈക്കോടതിയിലും ചീഫ് ജസ്റ്റിസായി സേവനമനുഷ്ഠിക്കുകയായിരുന്നു. സുപ്രീം കോടതിയില്‍ കേസുകള്‍ തീര്‍പ്പാകാതെ കെട്ടിക്കിടക്കുന്ന പശ്ചാത്തലത്തിലാണ് ജഡ്ജിമാരുടെ എണ്ണം വര്‍ധിപ്പിച്ചത്.
English Summary:Three more judges to the Supreme Court
You may also like this video
