തൃശൂര്‍ കുഴിക്കാട്ടുശേരിയില്‍ കാര്‍ പാറമടയിലേക്ക് മറിഞ്ഞ് മൂന്നു പേര്‍ മരിച്ചു.കൊമ്പിടിഞ്ഞാമക്കല്‍ സ്വദേശികളായ മുത്തേടത്ത് ശ്യാം, പുന്നേലി പറമ്പില്‍ ജോര്‍ജ്, പടിഞ്ഞാറെ പുത്തന്‍ചിറ താക്കോല്‍ക്കാരന്‍ ടിറ്റോ എന്നിവരാണ് മരിച്ചത്. മാള കുഴിക്കാട്ടുശേരി വരദനാട് ക്ഷേത്രത്തിന് സമീപം ഇന്നലെ രാത്രിയാണ് അപകടം നടന്നത്.
നിയന്ത്രണം വിട്ട കാർ കൈവരി തകർത്ത് പാറമടയിലേക്ക് വീഴുകയായിരുന്നു. എതിരെ വന്ന ബൈക്ക് യാത്രക്കാരാണ് അപകടം കണ്ടത്. ഉടൻ തന്നെ പൊലീസിലും ഫയർ ഫോഴ്സിലും വിവരമറിയിച്ചു. 40 അടിയോളം താഴ്ചയുള്ള പാറമടയിലേക്കാണ് കാർ വീണത്. സ്കൂബ ഡൈവേഴ്സ് എത്തിയാണ് മൃതദേഹം പുറത്തെടുത്തത്.
English Summary:
Three people were killed when their car overturned at Paramada in Thrissur’s Khikkattusseri
You may also like this video:
