നിരോധിത ലഹരി മരുന്നായ എംഡിഎംഎയും കഞ്ചാവും സഹിതം മൂന്ന് യുവാക്കളെ തൊടുപുഴ പൊലീസ് അറസ്റ്റ് ചെയ്തു. മുതലക്കോടം കല്ലുമാരി സ്വദേശി ചുങ്കത്ത് വാടകയ്ക്ക് താമസിക്കുന്ന ഇല്ലപ്പടിക്കൽ ആദർശ് (അപ്പു-18), മൂവാറ്റുപുഴ കാവക്കാട് കൂമുള്ളിൽ വീട്ടിൽ കെ എസ് അനന്ദു (ഉണ്ണി 24), മണക്കാട് പുതുപ്പരിയാരം പാറയിൽ ചകടാശേരിയിൽ വീട്ടിൽ അരവിന്ദ് (ഉണ്ണി 23) എന്നിവരെയാണ് ജൂനിയർ എസ്ഐ നൗഷാദും സംഘവും പിടികൂടിയത്. ഇവരുടെ പക്കൽ നിന്ന് 0.45 ഗ്രാം എംഡിഎംഎയും 6.5 ഗ്രാം കഞ്ചാവും പിടിച്ചെടുത്തു. കഴിഞ്ഞ ദിവസം രാത്രി റിവർവ്യൂ റോഡിൽ ഹോട്ടലിനു സമീപം പുഴയോരത്തു നിന്നാണ് പട്രോളിങ്ങിനിടെ ഇവരെ പിടികൂടിയത്. പൊലീസ് വാഹനം കണ്ട് ഓടിയ പ്രതികളെ ഓടിച്ചിട്ട് പിടികൂടുകയായിരുന്നു.
English Summary: Three youths were arrested with MDMA and ganja
You may also like this video
