മാതാവ് ഏഴു വയസുകാരനെ ചട്ടുകം പഴുപ്പിച്ച് പൊള്ളലേല്‍പ്പിച്ചു. കുമളി അട്ടപ്പള്ളം ലക്ഷം വീട് കോളനിയിലാണ് സംഭവം. അയല്‍പക്കത്ത് നിന്നും കളിക്കുന്നതിനായി ടയര്‍ എടുത്തതിനാണ് കുട്ടിയെ പൊള്ളലേല്‍പ്പിച്ചത്. രണ്ട് കൈകളിലും കാലുകളിലുമാണ് ചട്ടുകം പഴിപ്പിച്ച് പൊള്ളലേല്‍പ്പിച്ചത്. പൊള്ളലേറ്റ കുട്ടിയെ കുമളിയിലെ സ്വകാര്യ ആശുപത്രിയില്‍ പ്രവേശിച്ചിരിക്കുകയാണ്.
മുന്‍പും സമാന രീതിയില്‍ കുട്ടിയെ മാതാവ് ഉപദ്രവിച്ചിട്ടുള്ളതായി നാട്ടുകാര്‍ പറയുന്നു. ഇരു കൈളുടെയും മുട്ടിനു താഴെയും കാലുകളിലുമാണ് പൊള്ളലേറ്റത്. സംഭവമറിഞ്ഞ നാട്ടുകാര്‍ പഞ്ചായത്ത് മെമ്പറെയും അംഗന്‍വാടി ടീച്ചറെയും വിവരമറിയിച്ചു. തുടര്‍ന്ന് ഇരുവരും ചേര്‍ന്ന് കുട്ടിയെ കുമളിയിലെ സ്വകാര്യ ആശുപത്രിയില്‍ എത്തിക്കുകയായിരുന്നു. സംഭവത്തില്‍ കുമളി പോലീസ് കുട്ടിയുടെ മൊഴി രേഖപ്പെടുത്തി കേസെടുത്തു.
English Summary: Tires were taken from the neighbor’s house and burnt; Mother burns her son’s legs
You may also like this video
