ടൈറ്റാനിയം ജോലി തട്ടിപ്പ് കേസിലെ പ്രധാന പ്രതി ശ്യാംലാല്‍ പ്രത്യേക അന്വേഷണ സംഘത്തിന്റെ കസ്റ്റഡിയില്‍. അന്വേഷണത്തില്‍, ജോലി തട്ടിപ്പുമായി ബന്ധപ്പെട്ട 14 കേസുകളിലും ഇയാള്‍ പ്രതിയാണെന്നും പ്രത്യേക അന്വേഷണസംഘം കണ്ടെത്തിയിരുന്നു.
ഉദ്യോഗാർത്ഥികളെ അഭിമുഖ പരീക്ഷക്കായി ടൈറ്റാനിയത്തിൽ എത്തിച്ചത് ശ്യാംലാലാണെന്നും അന്വേഷണം സംഘം കണ്ടെത്തിയിരുന്നു. അന്വേഷണം പൂര്‍ത്തിയാകാത്ത സാഹചര്യത്തില്‍ ഇയാളെ പ്രത്യേക അന്വേഷണസംഘം ചോദ്യം ചെയ്ത് വരികയാണെന്നാണ് സൂചന. കേസിലെ മറ്റൊരു പ്രധാന പ്രതിയായ ടൈറ്റാനിയം ലീഗൽ ഡിജിഎം ശശികുമാരൻ തമ്പി ഒളിവിലാണ്.
ഇടനിലക്കാരായ ദിവ്യ നായർ, അഭിലാഷ് എന്നിവരാണ് കേസിൽ നേരത്തെ പിടിയിലായ പ്രതികൾ. ടൈറ്റാനിയത്തിൽ ജോലി വാഗ്ദാനം ചെയ്തു ഉദ്യോഗാർത്ഥികളിൽ നിന്നും ലക്ഷങ്ങൾ തട്ടിയെന്നതാണ് കേസ്.
English Summary: Titanium job scam: Shyamlal nabbed as main accused, accused in 14 other cases
You may also like this video
