അപകീർത്തികരമായ പരാമർശത്തിൽ ബിജെപി എംപിക്കെതിരെ തൃണമൂൽ കോൺഗ്രസ് (ടിഎംസി) നേതാവ് സയോണി ഘോഷ് മാനനഷ്ടക്കേസ് നല്‍കി. ബിജെപി നേതാവായ സൗമിത്ര ഖാനെതിരെയാണ് സയോണിയുടെ നിയമപോരാട്ടം.
അധ്യാപക നിയമന അഴിമതി കേസിൽ ഇഡി കസ്റ്റഡിയില്‍ കഴിയുന്ന കുന്തൽ ഘോഷുമായി സയോണിക്ക് അവിഹിത ബന്ധമുണ്ടെന്നാണ് സൗമിത്ര ഖാൻ ആരോപിച്ചത്.
ഇക്കഴിഞ്ഞ വെള്ളിയാഴ്ച ഒരു വാര്‍ത്താചാനലിലൂടെയാണ് സൗമിത്ര സയോണിക്കെതിരെ അപകീർത്തികരമായ പരാമര്‍ശം നടത്തിയത്. പരസ്യമായി മാപ്പ് പറയണമെന്നാണ് നോട്ടീസിലെ പ്രധാന ആവശ്യം. ഇക്കാര്യം ട്വീറ്റിലൂടെയാണ് സയോണി ഘോഷ് വെളിപ്പെടുത്തിയത്. വാർത്താ ചാനലിൽ നടത്തിയ പരാമർശം വിവിധ ഓൺലൈൻ പോർട്ടലുകളിലും പ്രചരിച്ചിരുന്നു.
English Sammury: TMC leader Saayoni Ghosh has issued a notice of defamation to BJP MP Saumitra Khan
