സംസ്ഥാനത്തെ സ്കൂളുകളിൽ ഇന്ന് പരിസ്ഥിതി ദിനം ആചരിക്കും. പരിസ്ഥിതി ദിനമായ ഇന്നലെ ഞായറാഴ്ച ആയതിനാലാണ് ഇന്ന് പരിസ്ഥിതി ദിനം ആചരിക്കാൻ സ്കൂളുകള്ക്ക് പൊതുവിദ്യാഭ്യാസ വകുപ്പ് നിർദേശം നൽകിയിരിക്കുന്നത്.
‘ഒരേയൊരു ഭൂമി’ എന്ന പരിസ്ഥിതി ദിന സന്ദേശം കുട്ടികളിൽ എത്തിക്കാനുള്ള പ്രവർത്തനങ്ങൾ സ്കൂളുകളിൽ നടത്തണമെന്ന് മന്ത്രി വി ശിവൻകുട്ടി നിർദേശിച്ചു. വൃക്ഷത്തൈ നടുന്നതടക്കമുള്ള കാര്യങ്ങൾ സ്കൂളുകളിൽ നടത്താം.
തിരുവനന്തപുരത്ത് നേമം മണ്ഡലത്തിലെ കാലടി ഗവണ്മെന്റ് ഹൈസ്കൂളിൽ മൂന്ന് മണിക്ക് നടക്കുന്ന പരിസ്ഥിതി ദിനാചരണ പരിപാടിയിൽ മന്ത്രി വി ശിവൻകുട്ടി പങ്കെടുക്കും.
English summary;Today is Environment Day in schools