സാനിട്ടറി നാപ്കിനുകള്‍ സൗജന്യമായി ലഭ്യമാക്കണമെന്ന് ആവശ്യപ്പെട്ട വിദ്യാര്‍ത്ഥികളോട് മോശമായ രീതിയില്‍ പ്രതികരിച്ച് വനിതാ വികസന കോര്‍പറേഷന്‍ മേധാവി. ബിഹാറിലെ വനിതാ വികസന കോർപ്പറേഷൻ മാനേജിംഗ് ഡയറക്ടർ ഐഎഎസ് ഹർജോത് കൗറാണ് വിദ്യാര്‍ത്ഥിനികളോട് തട്ടിക്കയറിയത്. സാനിറ്ററി പാഡുകൾ സൗജന്യമായി ലഭ്യമാക്കണമെന്ന് അഭ്യർത്ഥിച്ചതിനാണ് വിദ്യാര്‍ത്ഥികളോട് സ്ത്രീ കൂടിയായ എംഡി മോശം രീതിയില്‍ പ്രതികരിച്ചത്.
സ്കൂളില്‍ നടന്ന പൊതുപരിപാടിക്കിടെയാണ് സൗജന്യമായി സാനിട്ടറി പാഡുകള്‍ ലഭ്യമാക്കണമെന്ന് വിദ്യാര്‍ത്ഥിനികള്‍ ആവശ്യപ്പെട്ടത്. 20–30 രൂപ വിലയുള്ള സാനിറ്ററി പാഡുകൾ തരാന്‍ കഴിയില്ലെയെന്നായിരുന്നു വിദ്യാര്‍ത്ഥിനി ചോദിച്ചത്. ആവശ്യങ്ങള്‍ക്ക് ഒരു അവസാനമില്ലെ, നാളെ, സർക്കാർ ജീൻസും മനോഹരമായ ഷൂസും നൽകണമെന്ന് നിങ്ങൾ പറയും. അവസാനം, കുടുംബാസൂത്രണത്തിന്റെ കാര്യം വരുമ്പോൾ, നിങ്ങൾക്കും സൗജന്യ കോണ്ടം വേണമെന്നും പറയും, ഹർജോത് കൗർ പറഞ്ഞു.
സ്ത്രീകളുടെ അവകാശങ്ങൾക്കും ശാക്തീകരണത്തിനും വേണ്ടി ഏറ്റവും ശബ്ദമുയർത്തുന്ന ചാമ്പ്യന്മാരിൽ ഒരാളായാണ് ഞാൻ അറിയപ്പെടുന്നത്. ഇപ്പോൾ എന്റെ പ്രശസ്തിയെ അപകീർത്തിപ്പെടുത്താൻ അത്തരം താഴ്ന്ന ശ്രമങ്ങൾ നടത്തുന്നതായും അവര്‍ ആരോപിച്ചു.
English Summary: ‘Today you ask for a pad, tomorrow you ask for a condom’; Head of Women’s Development Corporation cheated on female students
You may like this video also
