നടിയും മുൻ എംഎൽഎയുമായ ജയസുധ ബിജെപിയിൽ ചേർന്നു. ഡല്ഹിയിൽ ബിജെപി ആസ്ഥാനത്ത് വെച്ച് തെലങ്കാന ബിജെപി അധ്യക്ഷൻ കിഷൻ റെഡ്ഡിയിൽ നിന്ന് അംഗത്വം ഏറ്റുവാങ്ങി. ബിജെപി ദേശീയ ജനറൽ സെക്രട്ടറി തരുൺ ചുഗ്ഗും ഒപ്പമുണ്ടായിരുന്നു.
കോൺഗ്രസ്, ടിഡിപി, വൈഎസ്ആർ കോൺഗ്രസ് എന്നീ പാർട്ടികളിൽ പ്രവർത്തിച്ചിട്ടുണ്ട്. മലയാളത്തിൽ ഇഷ്ടം അടക്കം നിരവധി ചിത്രങ്ങളിൽ ജയസുധ വേഷമിട്ടിട്ടുണ്ട്. കഴിഞ്ഞ വര്ഷം തെലുങ്കാനയില് നടന്ന മുനുഗോഡ് ഉപതെരഞ്ഞെടുപ്പിന് മുന്പ്ബിജെപി ജയസുധയെ പാര്ട്ടിയിലേക്ക് ക്ഷണിച്ചിരുന്നു. അന്ന് ജയസുധയ്ക്കൊപ്പം ക്ഷണം കിട്ടിയ രാജഗോപാല് റെഡ്ഡി ഇപ്പോള് ബിജെപി ദേശീയ എക്സിക്യൂട്ടീവ് അംഗമാണ്.
സെക്കന്തറബാദ് നിയമസഭ മണ്ഡലത്തില് നിന്നും 2009ല് കോണ്ഗ്രസ് സ്ഥാനാര്ത്ഥിയായി ഇവര് വിജയിച്ചിരുന്നു. 2016 ല് ആന്ധ്ര പ്രദേശ് വിഭജനത്തിന് ശേഷം ഇവര് തെലുങ്ക് ദേശം പാര്ട്ടിയില് ചേര്ന്നു. 2019 തെരഞ്ഞെടുപ്പ് കാലത്ത് ഇവര് വൈഎസ്ആര് കോണ്ഗ്രസില് ചേര്ന്നിരുന്നു. എന്നാല് വൈകാതെ അവിടെ നിന്ന് രാജിവച്ചിരുന്നു. അവസാനമായി ജയസുധ പ്രധാന വേഷം ചെയ്ത ചിത്രം തമിഴില് വാരിസാണ്.
English Summary: Tollywood actor Jayasudha joins BJP
You may also like this video
