കേന്ദ്രസർക്കാർ മൂലധന താല്പര്യങ്ങൾ സംരക്ഷിക്കുമ്പോൾ തൊഴിലാളി സംഘടനകൾ ഒരുമിച്ച് പോരാടേണ്ടത് കാലഘട്ടത്തിന്റെ ആവശ്യമാണെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ പറഞ്ഞു. കെഎസ്ഇബി വർക്കേഴ്സ് അസോസിയേഷൻ (സിഐടിയു) സംസ്ഥാന സമ്മേളനത്തിൽ സംസാരിക്കുകയായിരുന്നു അദ്ദേഹം.
ജനങ്ങളുടെ പ്രശ്നങ്ങളല്ല, ലാഭവും കോർപ്പറേറ്റുകളുടെ താല്പര്യവും മാത്രമാണ് കേന്ദ്രസർക്കാരിന്റെ പരിഗണനയിലുള്ളത്. വൈദ്യുതി മേഖലയുടെ സ്വകാര്യവല്ക്കരണത്തിനെതിരെ തൊഴിലാളി സംഘടനകൾ നിലപാടെടുക്കുന്നത് ജനങ്ങൾക്ക് വേണ്ടിയാണ്.
കർഷക സമരത്തിലുടനീളം വൈദ്യുത ബില്ലിനെതിരെ മുദ്രാവാക്യമുയർന്നത് അത് സാധരണക്കാർക്ക് ദോഷകരമായതുകൊണ്ടു കൂടിയാണെന്നും അദ്ദേഹം പറഞ്ഞു.
English Summary: Trade unions must fight together: Kanam
You may like this video also
