കോഴിക്കോട് എലത്തൂര് ട്രെയിന് ആക്രമണക്കേസിലെ പ്രതി പിടിയിലായതായി സൂചന. അക്രമിയെ കുറിച്ചുള്ള കൂടുതൽ വിവരങ്ങൾ പുറത്ത്.നോയിഡ സ്വദേശി ഷഹറൂഖ് സെയ്ഫി എന്നയാളാണെന്നാണ് പ്രതിയെന്ന് സൂചന ലഭിച്ചതായി പൊലീസ് പറഞ്ഞു.
പ്രതിയെന്ന് സംശയിക്കുന്നയാളുടെ രേഖാചിത്രം പൊലീസ് നേരത്തെ തന്നെ പുറത്ത് വിട്ടിരുന്നു. സംഭവത്തിലെ സാക്ഷി റാസിക്കിന്റെ സഹായത്തോടെ എലത്തൂർ പൊലീസ് സ്റ്റേഷനിലാണ് രേഖാ ചിത്രം തയാറാക്കിയത്. കേസന്വേഷണവുമായി ബന്ധപ്പെട്ട് അനില്കാന്ത് കണ്ണൂരിലെത്തിയിട്ടുണ്ട്. പ്രതിക്കൊപ്പം മറ്റൊരാളും ഉണ്ടായിരുന്നതായും വിവരങ്ങള് വ്യക്തമാക്കുന്നു.
ട്രെയിന് ആക്രമണം അന്വേഷിക്കാന് പ്രത്യേക അന്വേഷണസംഘത്തെ നിയോഗിച്ച് സംസ്ഥാന പൊലീസ് മേധാവി അനില് കാന്ത് ഉത്തരവായി.
മലപ്പുറം ക്രൈംബ്രാഞ്ച് എസ് പി പി വിക്രമന് ആണ് സംഘത്തലവന്. 18 അംഗങ്ങളാണ് സംഘത്തിലുള്ളത്.
ഭീകരവിരുദ്ധ സേന ഡിവൈഎസ്.പി ബൈജു പൗലോസ്, കോഴിക്കോട് ടൗണ് അസിസ്റ്റന്റ് കമ്മീഷണര് പി.ബിജുരാജ്, താനൂര് ഡിവൈഎസ്.പി വി.വി.ബെന്നി എന്നിവര് അംഗങ്ങളാണ്. കൂടാതെ വിവിധ സ്റ്റേഷനുകളിലെ ഇന്സ്പെക്ടര്മാര്, സബ് ഇന്സ്പെക്ടര്മാര് എന്നിവരും മറ്റ് പോലീസ് ഉദ്യോഗസ്ഥരും സംഘത്തിലുണ്ട്. ക്രമസമാധാനവിഭാഗം എഡിജിപിയുടെ നേരിട്ടുള്ള മേല്നോട്ടത്തിലായിരുക്കും അന്വേഷണം. സംഭവത്തില് എത്രയും വേഗം അന്വേഷണം പൂര്ത്തിയാക്കി റിപ്പോര്ട്ട് സമര്പ്പിക്കാന് സംസ്ഥാന പൊലീസ് മേധാവി നിര്ദ്ദേശിച്ചു.
ഞായറാഴ്ച രാത്രി 9:30നാണ് ഏലത്തൂര് സ്റ്റേഷന് വിട്ട് മുന്നോട്ട് നീങ്ങിയ ആലപ്പുഴ കണ്ണൂര് എക്സിക്യൂട്ടിവില് നോയിഡ സ്വദേശിയെന്ന് സംശയിക്കുന്നയാള് തീയിട്ടത്. ട്രെയിനിലെ ഡി2 കോച്ചില് നിന്ന് ഡി 1 കോച്ചിലേക്ക് രണ്ട് കുപ്പി പെട്രോളുമായി അക്രമി എത്തിയത്. ട്രെയ്നിലുണ്ടായിരുന്നവരുടെ ദേഹത്തേക്ക് പ്രതി പെട്രോള് ഒഴിച്ച് തീകത്തിക്കുകയായിരുന്നു.മട്ടന്നൂർ സ്വദേശി റഹ്മത്ത്, ഇവരുടെ സഹോദരീ പുത്രി രണ്ട് വയസുകാരി സഹറ, മട്ടന്നൂർ സ്വദേശി നൗഫിക് എന്നിവരാണ് മരിച്ചത്. ട്രെയിൻ വേഗത കുറക്കുന്നതിന് മുമ്പ് പുറത്തേക്ക് ചാടിയതാണ് മരണത്തിന് കാരണമായത്. റെയിൽവേ ട്രാക്കില് നിന്നാണ് ഇവരുടെ മൃതദേഹങ്ങൾ കണ്ടെത്തിയത്.
English Summary:train attack; Information about the Noida native is out
You may also like this video
