ട്രക്കില്‍ പശുക്കളെ കൊണ്ടുപോയിരുന്ന ആള്‍ പശുസംരക്ഷകരുടെ വെടിയേറ്റ് ആശുപത്രിയില്‍. യുപിയിലെ പാര ഏരിയയിൽ വച്ചുണ്ടായ ആക്രമണത്തില്‍ പ്രേം സിങ്ങി(50)നാണ് വെടിയേറ്റത്. പ്രതികളെ പിടികൂടാനായിട്ടില്ലെന്നും ആരെയും തിരിച്ചറിയാനായിട്ടില്ലെന്നും പാരാ പൊലീസ് സ്റ്റേഷനിലെ ഹൗസ് ഓഫീസർ (എസ്എച്ച്ഒ) ടി ബി സിങ് പറഞ്ഞു. പ്രേം സിങ്ങിനെ വെടിയേറ്റ ഉടൻ ആശുപത്രിയിൽ എത്തിച്ചു. അവിടെ അദ്ദേഹത്തിന്റെ ആരോഗ്യനില തൃപ്തികരമാണെന്ന് എസ്എച്ച്ഒ പറഞ്ഞു.
ബുധനാഴ്ചയാണ് സംഭവം നടന്നത്. ട്രക്കിൽ 13 പശുക്കൾ ഉണ്ടായിരുന്നു. മെയിൻപുരിയിലേക്കാണ് ഇവയെ കൊണ്ടുപോയിരുന്നത്. ടിവെപ്പിന് പിന്നിലെ കാരണം വ്യക്തമല്ലെന്നും അന്വേഷണം നടക്കുകയാണെന്നും എസ്എച്ച്ഒ പറഞ്ഞു.
English Sammury: transporting cows in truck man being shot injuries after
