രണ്ട് സുപ്രീം കോടതി ജഡ്ജിമാരുടെകൂടി നിയമനത്തിന് കേന്ദ്രസര്‍ക്കാര്‍ അംഗീകാരം. ഇതോടെ സൂപ്രീംകോടതിയുടെ അംഗബലം പൂര്‍ണമായി. ചീഫ് ജസ്റ്റിസ് ഉള്‍പ്പെടെ 34 പേരാണ് പരമോന്നത കോടതിയിലെ ന്യായാധിപരുടെ പരമാവധി എണ്ണം.
അലഹബാദ് ഹൈക്കോടതി ചീഫ് ജസ്റ്റിസ് രാജേഷ് ബിന്ദാല്‍, ഗുജറാത്ത് ഹൈക്കോടതി ചീഫ് ജസ്റ്റിസ് അരവിന്ദ് കുമാര്‍ എന്നിവരെ സുപ്രീം കോടതി ജഡ്ജിമാരായി ഉയര്‍ത്തി. ജനുവരി 31നായിരുന്നു രണ്ട് ജഡ്ജിമാരുടെയും പേരുകള്‍ സുപ്രിംകോടതി കൊളീജിയം ശുപാര്‍ശ ചെയ്തത്. ഈ മാസം ആറിന് സുപ്രീം കോടതിയില്‍ പുതുതായി അഞ്ച് ജഡ്ജിമാരെ കൂടി നിയമിച്ചിരുന്നു. കൊളീജിയം ശുപാര്‍ശ ചെയ്ത ജഡ്ജിമാരുടെ നിയമനത്തിലെ കാലതാമസത്തില്‍ സുപ്രിം കോടതി നേരത്തെ കടുത്ത അതൃപ്തി പ്രകടിപ്പിച്ച് രംഗത്തെത്തിയിരുന്നു.
English Summary;Two new judges added to the Supreme Court; The membership has increased to 34
You may also like this video
