മലപ്പുറത്ത് രണ്ട് പേർക്ക് മലമ്പനി. മലപ്പുറം പൊന്നാനിയിലാണ് മലമ്പനി സ്ഥിരീകരിച്ചത്. രോഗം റിപ്പോർട്ട് ചെയ്ത സ്ഥലങ്ങളിൽ പ്രതിരോധ പ്രവർത്തനം ഊർജിതമാക്കി. പൊന്നാനി നഗരസഭയുടേയും ആരോഗ്യ വകുപ്പിന്റെ നേതൃത്വത്തിലാണ് പ്രതിരോധ പ്രവർത്തനങ്ങൾ പുരോഗമിക്കുന്നത്. പൊന്നാനി നഗരസഭയിലെ അഞ്ചാം വാർഡിലാണ് മലമ്പനി റിപ്പോർട്ട് ചെയ്തത്.
പൊന്നാനി, ഇഴുവത്തിരുത്തി, തവനൂർ ബ്ലോക്കിലെ ആരോഗ്യ പ്രവർത്തകർ, വെക്ടർ കൺട്രോൾ യൂണിറ്റ്, ആശ പ്രവർത്തർ തുടങ്ങിയവർ സംഘമായി പ്രദേശത്ത് ഗൃഹസന്ദർശനം നടത്തി സർവ്വേ പൂർത്തിയാക്കി. 4 പേർ അടങ്ങുന്ന 10 ടീമുകൾ വീടുകൾ സന്ദർശിച്ച് 1200 രക്തസാമ്പിളുകൾ ശേഖരിച്ചതിൽ വീണ്ടും രണ്ടു പേർക്കുകൂടി മലമ്പനി സ്ഥിരീകരിച്ചു. നിലവിൽ പേരാണ് മലമ്പനി ബാധിതർ. നഗരസഭയുടെ 4, 5, 6, 7 എന്നീ വാർഡുകൾ കേന്ദ്രീകരിച്ചാണ് പ്രതിരോധ പ്രവർത്തനങ്ങൾ.
English Summary: Two people have malaria in Malappuram; caution
You may also like this video
