അനധികൃത മദ്യ വില്‍പ്പനയ്ക്കായി ബിവറേജില്‍ നിന്നും വാങ്ങിയ വിദേശമദ്യം എക്‌സൈസ് സംഘം പിടികൂടി. വണ്ടന്‍മേട് മാലി ഭാഗത്ത് അനധികൃത മദ്യവില്‍പ്പനയ്ക്കായി വണ്ടിപെരിയാര്‍ ബിവറേജിന്റെ ഔട്ട്‌ലെറ്റില്‍ നിന്നും വണ്ടന്‍മേട് മാലി സ്വദേശികളായ പ്രഭു (35), ശിവനേശന്‍ (32) എന്നിവര്‍ വാങ്ങിയ ജവാന്റെ 30 ലിറ്റര്‍ മദ്യമാണ് വണ്ടിപ്പെരിയാര്‍ എക്‌സൈസ് റേഞ്ച് പിടികൂടിയത്. വണ്ടിപ്പെരിയാര്‍ എക്‌സൈസ് ഇന്‍സ്‌പെക്ടര്‍ പി ജി രാജേഷിന്റെ നേതൃത്വത്തില്‍ നെല്ലിമല ഭാഗത്ത് വച്ച് വാഹന പരിശോധന നടത്തവെയാണ് പ്രതികളുടെ വാഹനത്തില്‍ നിന്നും പിടികൂടിയത്. പ്രിവന്റീവ് ഓഫിസര്‍മാരായ രാജ്കുമാര്‍ ബി, രവി വി, സേവ്യര്‍ പിഡി, സിവില്‍ എക്‌സൈസ് ഓഫിസര്‍മാരായ പ്രമോദ് കുമാര്‍ കെ, ഷിബിന്‍ എസ് എന്നിവര്‍ നേത്യത്വം നല്‍കി. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
English Summary: Two persons were arrested by Excise with 30 liters of liquor smuggled for illegal liquor sale
You may like this video also
