പുതുവര്ഷാഘോഷങ്ങള്ക്കായി മയക്കുമരുന്ന് വിതരണം ചെയ്ത സംഭവത്തില് രണ്ട് യുവതികള് പിടിയിലായി. ഗോവയിലെ സിയോലിമില് നിന്നാണ് നിരോധിത ഉല്പന്നങ്ങളുമായി ഇവര് നാര്ക്കോട്ടിക്സ് കണ്ട്രോള് ബ്യൂറോയുടെ പിടിയിലായിരിക്കുന്നത്. മുംബൈ, ഗോവ സംസ്ഥാനങ്ങളുടെ എന്സിബിയാണ് ഇരുവരെയും പിടികൂടിയത്.
1.030 കിലോ വരുന്ന കഞ്ചാവ്, 49 ടാബ്ലെറ്റ്, 25 ഗ്രാം ആംഫെറ്റമീന്, 2.2 ഗ്രാം കൊക്കെയ്ന്, 1 ഗ്രാം എംഡിഎംഎ, ഒരു വാഹനം എന്നിവ അന്വേഷണ ഉദ്യോഗസ്ഥര് പിടിച്ചെടുത്തു.
നൈജീരിയന് സ്വദേശിയായ സ്ത്രീയുടെ ഏജന്റാണ് ഇവരെന്ന് പ്രാഥമിക അന്വേഷണത്തില് തെളിഞ്ഞതായി പൊലീസ് പറഞ്ഞു.
ഇരുവരെയും റിമാന്ഡില് വിട്ടു. സംഭവത്തില് അന്വേഷണം പുരോഗമിക്കുന്നതായും അധികൃതര് അറിയിച്ചു.
English Summary: Two women arrested for distributing drugs for New Year celebrations