പാലക്കാട് കൊഴിഞ്ഞാമ്പാറയിൽ പഴയ വീട് പൊളിക്കുന്നതിനിടെ ചുമരിടിഞ്ഞുവീണ് രണ്ട് യുവാക്കൾ മരിച്ചു. ഉച്ചയ്ക്ക് മൂന്നരയോടെ കൊഴിഞ്ഞാമ്പാറ ഗവ. ആശുപത്രിക്ക് സമീപമായിരുന്നു സംഭവം. പെരുവമ്പ് വെള്ളപ്പന പുത്തൻ വീട് ചാമുകുട്ടന്റെ മകൻ വിനു (36), പൊൽപ്പുള്ളി വേർകോലി പാലപ്പള്ളം നാരായണന്റെ മകൻ വിനിൽ കുമാർ (32) എന്നിവരാണ് മരിച്ചത്.
കൊഴിഞ്ഞാമ്പാറ സർക്കാർ ആശുപത്രിക്ക് സമീപത്ത് പഴയ വീട് പൊളിച്ച് മാറ്റുകയായിരുന്ന സംഘത്തിൽപ്പെട്ടവരാണ് ഇരുവരും. വീട് പൊളിച്ചു മാറ്റൽ പ്രവർത്തി തുടരുന്നതിനിടെ മുകളിലെ കോൺക്രീറ്റ് സ്ലാബ് തെന്നി ഇരുവരുടെയും മുകളിലേക്ക് വീഴുകയായിരുന്നു. അടിയിൽക്കുടുങ്ങി കിടന്ന ഇരുവരെയും ശബ്ദം കേട്ടെത്തിയ നാട്ടുകാർ ഓടിയെത്തിയാണ് പുറത്തെടുത്തത്. തുടർന്ന് അത്താണിയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പാലക്കാട് ജില്ല ആശുപത്രിയിലേക്ക് മാറ്റിയ മൃതദേഹങ്ങൾ പോസ്റ്റ് മോർട്ടത്തിന് ശേഷം ബന്ധുക്കൾക്ക് വിട്ട് നൽകി.
English Summary: Two youths died when a wall collapsed while demolishing an old house
You may also like this video
