ജമ്മു കശ്മീരിലെ രജൗരിയിൽ സൈന്യത്തിന്റെ വെടിയേറ്റ് രണ്ട് യുവാക്കൾ കൊല്ലപ്പെട്ടു. രജൗരി സ്വദേശികളായ കമല്‍ കുമാര്‍, സുരീന്ദര്‍ കുമാര്‍ എന്നിവരാണ് കൊല്ലപ്പെട്ടത്. ഉത്തരാഖണ്ഡ് സ്വദേശി അനില്‍ കുമാറിനെ വെടിയേറ്റ് ആശുപത്രിയില്‍ പ്രവേശിപ്പിച്ചു. സംഭവത്തിന് പിന്നാലെ പ്രദേശവാസികൾ പ്രതിഷേധവുമായി രംഗത്തെത്തി. രജൗരി-ജമ്മു ഹൈവേ പ്രതിഷേധക്കാര്‍ ഉപരോധിച്ചു.
ആൽഫ ടിസിപിയിൽ വെള്ളിയാഴ്ച രാവിലെയാണ് സംഭവം. സൈനിക ക്യാമ്പിന് സമീപം സംശയാസ്പദമായ നീക്കം നിരീക്ഷിച്ച ഉദ്യോഗസ്ഥർ വെടിയുതിർക്കുകയായിരുന്നുവെന്ന് സൈന്യത്തിന്റെ പ്രസ്താവനയിൽ പറയുന്നു. അതേസമയം പ്രദേശവാസികള്‍ ജോലിക്ക് പ്രവേശിക്കുന്നതിനായി ആര്‍മി ഗേറ്റിന് സമീപത്തേക്ക് വരുമ്പോഴാണ് സംഭവം നടന്നതെന്ന് നാട്ടുകാര്‍ ആരോപിച്ചു. സൈനിക ക്യാമ്പിന് നേരെ കല്ലേറുണ്ടായി. മേഖലയില്‍ സുരക്ഷ ശക്തമാക്കിയിട്ടുണ്ട്.
English Summary:Two youths killed in army firing in Kashmir
You may also like this video
