പിന്നോട്ട് മലക്കം മറിഞ്ഞ് രണ്ടാംക്ലാസുകാരൻ യു കെ കാശിനാഥന് റെക്കോർഡ്

പിന്നോട്ട് മലക്കം മറിഞ്ഞ് രണ്ടാംക്ലാസുകാരൻ യു കെ കാശിനാഥന് റെക്കോർഡ്. 20 മിനിറ്റും 49 സെക്കൻഡുകൊണ്ട് 220 തവണ മലക്കംമറിഞ്ഞ് ഏറ്റവും പ്രായംകുറഞ്ഞ മത്സരാർത്ഥിയായി ഇന്ത്യ ബുക്ക് ഓഫ് റെക്കോർഡ് സ്വന്തമാക്കിയത്. മൂന്നുവയസ്സ് മുതൽ ആലപ്പുഴ രുദ്രകളരിയിൽ ഗുരുക്കൾ പ്രദീപ് പെരുമാളിന്റെ ശിക്ഷണത്തിലായിരുന്നു പരിശീലനം. ചെട്ടിക്കുളങ്ങര ഈരേഴനോർത്ത് എൽപി സ്കൂൾ വിദ്യാർത്ഥിയും ചെട്ടിക്കുളങ്ങര ഉണിച്ചിരേത്ത് കിഴക്കേതിൽ വീട്ടിൽ ഉമേഷ് ഉണ്ണികൃഷ്ണൻ-ശരണ്യ ദമ്പതികളുടെ മകനുമാണ്. പിതാവ് കളരി പരിശീലനകനും മാതാവ് കളരിപ്പയറ്റ് വിദ്യാർഥിയുമാണ്. വാർത്തസമ്മേളനത്തിൽ കാശിനാഥൻ, പിതാവ് ഉമേഷ് ഉണ്ണികൃഷ്ണൻ എന്നിവർ പങ്കെടുത്തു.