ന്യൂഡൽഹിയുമായി അതിർത്തി പങ്കിടുന്ന ജില്ലകളിൽ, ജനങ്ങൾ മാസ്ക് ധരിക്കുന്നത് നിർബന്ധമാക്കി ഉത്തർപ്രദേശ്. സംസ്ഥാന തലസ്ഥാനമായ ലഖ്നൗവിലും പൊതുവിടങ്ങളിൽ മാസ്ക് ധരിക്കുന്നത് നിർബന്ധമാക്കിയിട്ടുണ്ട്. രാജ്യതലസ്ഥാനത്ത് കോവിഡ് കേസുകള് ക്രമാതീധമായി വര്ധിക്കുന്ന സാഹചര്യത്തിലാണ് മാസ്ക് നിര്ബന്ധമാക്കി മാർഗനിർദേശങ്ങൾ പുറത്തിറക്കിയത്.
അതേസമയം കഴിഞ്ഞ 24 മണിക്കൂറിനിടെ യുപിയിലെ ഗൗതം ബുദ്ധ നഗറിൽ 65 പുതിയ കോവിഡ് കേസുകളും ഗാസിയാബാദിൽ 20 കേസുകളും സ്ഥിരീകരിച്ചിട്ടുണ്ട്. ലഖ്നൗവിൽ പത്തുപേർക്കാണ് പുതുതായി കോവിഡ് സ്ഥിരീകരിച്ചിട്ടുള്ളത്. ഈ മേഖലകളിൽ കർശന നിരീക്ഷണം നടത്താനും ആദിത്യനാഥ് നിർദേശം നൽകിയിട്ടുണ്ട്.
ന്യൂഡൽഹിക്ക് സമീപമുള്ള ഗൗതം ബുദ്ധ നഗർ, ഗാസിയാബാദ്, ഹാപുർ, മീററ്റ്, ബുലന്ദ്ഷെഹർ, ബാഘ്പത് തുടങ്ങിയിടങ്ങളിലാണ് പൊതുവിടങ്ങളിൽ മാസ്ക് നിർബന്ധമാക്കിയിരിക്കുന്നത്.
English summary;UP makes mask mandatory in districts bordering Delhi