കോവിഡ് കേസുകള്‍ വര്‍ധിച്ചു വരുന്ന സാഹചര്യത്തില്‍ ഇന്ത്യയിലേക്കുള്ള യാത്രകൾ പുനപരിശോധിക്കണമെന്ന് പൗരന്മാരോട് യുഎസിന്റെ നിര്‍ദേശം. കോവിഡ് കേസുകളുടെ വർധനവ് കാരണം സെന്റര്‍ ഫോർ ഡിസീസ് കൺട്രോൾ ആൻഡ് പ്രിവൻഷൻ (DCC) ഇന്ത്യയെ സംബന്ധിച്ച് ലെവൽ‑ത്രീ ട്രാവൽ ഹെൽത്ത് നോട്ടിസ് പുറപ്പെടുവിച്ചിട്ടുണ്ട്. ഇതിന് പിന്നാലെയാണ് യുഎസ് സ്റ്റേറ്റ് ഡിപ്പാർട്ട്‌മെന്റിന്റെ ഏറ്റവും പുതിയ യാത്രാ നിർദേശങ്ങൾ.
ഭീകരവാദവും ആഭ്യന്തര പ്രശ്നങ്ങളും കാരണം ജമ്മു കശ്മീരിലേക്കും ഇന്ത്യ‑പാക് അതിർത്തിയുടെ പത്ത് കിലോമീറ്റർ ചുറ്റളവിലും യാത്ര ചെയ്യരുതെന്നും നിർദേശമുണ്ട്. അതേസമയം, കിഴക്കൻ ലഡാക്ക് മേഖലയിലേക്കും തലസ്ഥാനമായ ലേയിലേക്കും യാത്ര ചെയ്യുന്നതിൽ പ്രശ്നമില്ല.ബലാത്സംഗം ഉൾപ്പെടെ കുറ്റകൃത്യങ്ങൾ, തീവ്രവാദം എന്നിവ വർധിച്ചതിനാൽ ഇന്ത്യയിൽ കൂടുതൽ ജാഗ്രത പാലിക്കാനും യുഎസ് സ്റ്റേറ്റ് ഡിപ്പാർട്ട്‌മെന്റിന്റെ ഏറ്റവും പുതിയ യാത്രാ മാര്‍ഗനിര്‍ദേശത്തില്‍ പൗരന്മാരോട് ആവശ്യപ്പെടുന്നുണ്ട്.
English Summary: US prepares to reconsider travel after sending Level 3‑Travel Health notice to India
You may like this video also
