പുനര്ജനി സ്പെഷ്യല് അക്കൗണ്ട് വഴിയും മണപ്പാട്ട് ഫൗണ്ടേഷന്റെ അക്കൗണ്ട് വഴിയും വി ഡി സതീശൻ പണം സ്വരൂപിച്ചുവെന്ന് വിജിലൻസ് റിപ്പോർട്ടിലെ കൂടുതൽ വിവരങ്ങൾ പുറത്ത്. 2018 നവംബര് 27 മുതല് 2022 മാര്ച്ച് 8 വരെ പ്രത്യേക അക്കൗണ്ടില് വിനിമയം നടത്തി. പുനര്ജനി പദ്ധതിക്കായി 1.27 കോടി രൂപ പിരിച്ചെടുത്തുവെന്നും റിപ്പോർട്ടിൽ പറയുന്നു.
വി ഡി സതീശന് യുകെയിലേക്ക് പോകാൻ ടിക്കറ്റ് തരപ്പെടുത്തിയത് മണപ്പാട്ട് ഫൗണ്ടേഷന് ആണെന്നും അന്വേഷണ അന്വേഷണ സംഘം കണ്ടെത്തിയിട്ടുണ്ട് കൂടാതെ യുകെയില് താമസ സൗകര്യം ഒരുക്കിയതും മണപ്പാട്ട് ഫൗണ്ടേഷനാണ്. മിഡ് ലാന്ഡ് ഇന്റര്നാഷണല് എയ്ഡ് ട്രസ്റ്റ് വഴിയാണ് യുകെയില് നിന്നും പണം സ്വരൂപിച്ചത്. മിഡ് ലാന്ഡ് ഇന്റര്നാഷണല് എയ്ഡ് ട്രസ്റ്റും മണപ്പാട്ട് ഫൗണ്ടേഷനും തമ്മില് ധാരണാപത്രം ഒപ്പുവെച്ചിട്ടില്ല.