പൂങ്ങോട്ടുകുളത്ത് സ്വകാര്യ ആശുപത്രിയിൽ പ്രാക്ടീസ് നടത്തുന്നതിനിടെ മഞ്ചേരി മെഡിക്കൽ കോളേജ് ആശുപത്രിയിലെ ഓർത്തോ പീഡിയാക് അസിസ്റ്റൻഡ് പ്രൊഫസർ ഡോ. എ അബ്ദുൾ ഗഫൂർ വിജിലൻസ് പിടിയിലായി.
ദീർഘകാലമായി ഇദേഹം ഇവിടെ പ്രാക്ടീസ് നടത്തി വരികയായിരുന്നു. ഇദ്ദേഹത്തിനെതിരെ പരാതി ശക്തമായതിനെ തുടർന്നാണ് വിജിലൻസ് മലപ്പുറം ഡിവൈഎസ്പി ഫിറോസ് എം ഷെഫീക്കിന്റെ നേതൃത്വത്തിൽ ഇന്ന് രാവിലെ പതിനൊന്ന് മണിയോടെയാണ് പരിശോധന നടന്നത്.
താനാളൂർ കെ പുരം സ്വദേശിയായ ഡോ. എ അബ്ദുൾ ഗഫൂർ ദീർഘകാലമായി ഇവിടെ പ്രാക്ടീസ് ചെയ്തു വരികയാണ്. വിജിലൻസ് ഡിവൈഎസ്പി ഫിറോസ് എം ഷെഫീക്ക്, ഡോക്ടർ ന്യൂന, എസ് ഐ ശ്രീനിവാസൻ, സുബിൻ എന്നിവരുടെ നേതൃത്വത്തിലാണ് പരിശോധന നടന്നത്.
അന്വേഷണറിപ്പോർട്ട് വിജിലൻസ് ഡയറക്ടർക്ക് കൈമാറിയതിന് ശേഷം തുടർ നടപടിയുണ്ടാവും.