യൂട്യൂബ് നോക്കി മുന്തിരി വൈനുണ്ടാക്കി സ്‌കൂളില്‍ കൊണ്ടുവന്ന വിദ്യാര്‍ത്ഥി അത് ദാഹം തീര്‍ക്കാന്‍ സുഹൃത്തിന് നല്‍കി. ഛര്‍ദ്ദിയെ തുടര്‍ന്ന് സുഹൃത്ത് ആശുപത്രിയിലുമായി. ചിറയിന്‍കീഴ് മുരുക്കുംപുഴ വെയിലൂര്‍ ഗവ. ഹൈസ്‌കൂളിലാണ് സംഭവങ്ങള്‍ അരങ്ങേറിയത്. ആശുപത്രിയില്‍ പ്രവേശിപ്പിച്ച വിദ്യാര്‍ത്ഥിയുടെ രക്ഷിതാക്കള്‍ പൊലീസില്‍ പരാതി നല്‍കിയതിനെ തുടര്‍ന്നാണ് സംഭവം പുറത്തറിഞ്ഞത്.
യൂട്യൂബ് നോക്കിയാണ് വിദ്യാര്‍ത്ഥി വൈനിന് സമാനമായ മിശ്രിതം ഉണ്ടാക്കിയത്. തുടര്‍ന്ന് ഈ മിശ്രിതം ദിവസങ്ങള്‍ കഴിഞ്ഞശേഷം വെള്ളിയാഴ്ച സ്‌കൂളില്‍ കൊണ്ടുവന്നു. താനുണ്ടാക്കിയ വൈനാണെന്ന് മറ്റുള്ളവരെ പരിചയപ്പെടുത്തുകയും ചെയ്തു. സുഹൃത്ത് ഈ വെള്ളം കുടിച്ചതിനെതുടര്‍ന്ന് ക്ഷീണിതനാകുകയും ഛര്‍ദ്ദി അനുഭവപ്പെടുകയും ചെയ്തു. സംഭവമറിഞ്ഞ അധ്യാപകര്‍ ഉടന്‍തന്നെ വിദ്യാര്‍ത്ഥിയെ ചിറയിന്‍കീഴ് താലൂക്കാശുപത്രിയിലെത്തിക്കുകയും വിവരം വിദ്യാര്‍ത്ഥിയുടെ രക്ഷിതാവിനെ അറിയിക്കുകയും ചെയ്തു.
English Summary: Vine Made by Watching YouTube: Student Hospitalized
You may like this video also
