വീട്ടമ്മയ്ക്കു വീട്ടിൽ കയറി ലൈംഗികാതിക്രമം നടത്തിയ പ്രായപൂര്‍ത്തിയാകാത്ത പ്രതിയെ പൊലീസ് പിടികൂടി. വെള്ളിയാഴ്ച ഉച്ചയ്ക്ക് മലപ്പുറം മമ്പാടാണ് സംഭവം.രാത്രിയോടെ നിലമ്പൂർ പൊലീസ് പ്രതിയെ പിടികൂടി. മധ്യവയസ്കയായ സ്ത്രീ ഒറ്റയ്ക്കായിരുന്ന സമയത്താണ് പ്രതി വീട്ടില്‍ കയറിയത്. ആക്രമണത്തില്‍ വീട്ടമ്മയുടെ തോളെല്ല് പൊട്ടി.
പുറത്ത് പോയ ഭര്‍ത്താവ് വീട്ടിലെത്തിയപ്പോളാണ് പരിക്കേറ്റ നിലയില്‍ വീട്ടമ്മയെ കാണുന്നത്. പൊലീസിന് നല്‍കിയ വിവരത്തിന്റെ അടിസ്ഥാനത്തിലാണ് പ്രതിയെ പിടികൂടിയത്. ചോദ്യം ചെയ്യലില്‍ പ്രതി കുറ്റം സമ്മതിച്ചു. വീട്ടമ്മയുടെ വീടിനു രണ്ടുകിലോമീറ്റർ ചുറ്റളവിലുള്ള പ്രതി ഏതാനും ദിവസം നിരീക്ഷണം നടത്തിയ ശേഷമാണ് ആക്രമണം നടത്തിയതെന്ന് പൊലീസ് പറഞ്ഞു.
ENGLISH SUMMARY: violence against women at night; minor boy arrested
You may also like this video
